Inkuru y’urupfu rw’umunyamakuru Umuhire Valentin yamenyekanye ku mugoroba wo ku wa kane tariki ya 07 Mutarama 2021 itangajwe na murumuna we wavuze ko yari arwariye mu bitaro bya Kaminuza bya Kigali (CHUK).
Abo mu muryango we batangaje ko yari amaze iminsi arwariye mu Bitaro bya Kigali CHUK ari naho yaguye.
Umuhire wakoze mu bitangazamakuru bitandukanye birimo Radio na TV10 yakoreye mu myaka ya 2013, Radio Huguka, RBA, Isango Star mu kiganiro Urubuga rw’Itangazamakuru akaba yari anafite Ikinyamakuru Value News.
Umuhire azibukirwa ku kiganiro ‘Urubuga rw’Itangazamakuru’ kimaze gushinga imizi aho ari mu batangiranye nacyo ndetse akaba yarakunze kukiyobora inshuro nyinshi dore ko yari asanzwe ari umuhanga mu kuyobora ibiganiro.
Ishyirahamwe ry’Abanyamakuru Rwanda ryatanze ubutuma bwihanganisha Uumuryango wa Umuhire Valentin n’Umuryango w’Abanyamakuru muri rusange.
Imana imwakire mu bayo.
