Cristiano Ronaldo niwe watangajwe na Bloomberg ko atunze Miliyari y’amadolari ya Amerika($) kuko abahanga b’iki kinyamakuru cy’undi muherwe Micheal Bloomberg babaze basanga atunze Miliyari $1.4.
Bloomberg ikora icyegeranyo yise The Bloomberg Billionaires Index gitangarizwaho abaherwe kurusha abandi ku isi.
Rero basanze uyu Umunya Portugal w’imyaka 40 ari we ukize kurusha abandi bakinnyi b’umupira w’amaguru ku isi.
Muri iki gihe Ronald ni rutahizamu w’ikipe yo muri Saudi Arabia yitwa Al-Nassr.
Abakora urutonde rw’abo baherwe bahuriza hamwe amafaranga runaka bakura mu kazi bakora, mubyo binjiriza mu mishinga n’uduhimbazamusyi bakura ahantu henshi.
Ikigo Bloomberg gitangaza ko Ronaldo yinjije Miliyoni $550 ni ukuvuga Miliyoni £410 guhera mu mwaka wa 2002 kugeza muwa 2023.
Bahuje n’amafaranga yose yinjije aturutse mu masezerano afitanye na Nike angana na Miliyoni $18 ni ukuvuga Miliyoni £13 mu gihe cy’imyaka 10.
Ubwo yatangiraga gukina muri Shampiyona ya Saudi Arabia mu mwaka wa 2022 yabaye umukinnyi wa mbere wahembye menshi muri iki gihugu kuko ku mwaka ahembwa Miliyoni £177.
Aherutse kongezwa amasezerano y’indi myaka ibiri afite agaciro ka Miliyoni $400.
Lionel Messi we afite Miliyoni $600, ni amafaranga atageze kuri kimwe cya kabiri cy’ayo Ronaldo atunze, nayo ni imibare itangwa na Bloomberg.
