Raoul Nshungu
Umuhanzi wo muri Uganda Jose Chameleon, yageze i Kigali aho aje gukora igitaramo muri iyi weekend.
Uyu muhanzi umaze igihe yita ku buzima bwe, yageze ku Kibuga Mpuzamahanga cya Kigali mu gitondo cyo kuri uyu wa 23 Gicurasi 2025.
Jose Chameleon wagararagaje urukumbuzi afitiye Kigali mu ntangiriro za 2025, ubwo yari muri Amerika arimo kwivuza, agihaguruka muri Uganda yasangije abamukurikira ku mbuga nkoranyambaga ko ‘agiye iwabo.’ Yanditse ati: ”Ndi mu kirere ngiye mu rugo mu Rwanda.”
Aje mu gitaramo yagombaga gukora tariki 3 Mutarama 2025, kiza gusubikwa ku munota wa nyuma kubera ikibazo cy’uburwayi yagize.
Uwo muhanzi w’umunyabigwi mu Karere k’Afurika y’Iburasirazuba yaherukaga mu Rwanda tariki 4 Kanama 2018, mu gitaramo cyabereye muri Camp Kigali.
Jose Chameleone waherukaga mu Rwanda mu mwaka wa 2018, arataramira muri Kigali Universe ku Cyumweru tariki 25 Gicurasi 2025.
