Perezida Kagame akomeje kwihanganisha abakozweho n’ibiza

Mu butumwa bwashyizwe ku rubuga rwa Twitter, Perezida Paul Kagame yihanganishije imiryango y’abakozweho n’ibiza. Agira ati: “Ikigo cy’ubuyobozi kirimo guhuza ibikorwa by’ubutabazi bwihutirwa”, akomeza avuga ko mu turere icyenda aho “amakipe yamaze koherezwa kugira ngo atange ubufasha bukenewe”, kugira ngo afashe abantu bo mu turere twibasiwe.

Ni muri urwo rwego, Perezida Paul akomeje gukurikiranira hafi amakuru ku myuzure n’inkangu bikomotse ku mvura byishe abantu 130 ndetse akaba anihanganisha imiryango myinshi mu burengerazuba bw’u Rwanda iri mu gahinda.

Mu Rwanda, igihugu gikunze kwibasirwa n’imyuzure n’isenyuka, imvura nyinshi mu ijoro ryo ku wa kabiri no ku wa gatatu tariki ya 3 Gicurasi yateje impfu z’abantu 127 mu turere twinshi two mu gihugu, nk’uko isuzuma ry’agateganyo ryabigaragaje.

Byatangiye gute?

Ku wa kabiri, nyuma ya saa sita ni bwo imvura yatangiye kugwa nimugoroba na nijoro itera imyuzure myinshi mu ntara z’amajyepfo, uburengerazuba n’amajyaruguru y’igihugu.

Icyo gihe umubare w’ abantu bapfuye watangiye kuzamuka barenga ijana, amazu arasenyuka, imirima irarengerwa n’ imihanda myinshi irangirika.

Umwuzure n’inkangu mu gihe cy’imvura bikunze kugaragara mu Rwanda. Impfu 60 zifitanye isano n’ikirere kibi zari zimaze kwandikwa hagati ya Mutarama na Mata, ariko nk’uko bitangazwa n’ibitangazamakuru bya hano mu gihugu, iki gice nicyo cyahitanye abantu benshi vuba aha.

Mbere y’umwuzure, ikigo cy’iteganyagihe cy’u Rwanda cyatanze umuburo ku bwinshi bw’imvura muri Gicurasi cyane cyane mu majyaruguru y’uburengerazuba bw’igihugu. Ariko abatuye ako gace ntibari biteze gutungurwa , dore byatangiye kuba bibi abantu basinziriye.

Inkangu zangije byinshi

Nk’uko ibitangazamakuru bibitangaza ngo iki ni kimwe mu bice byahitanye abantu benshi by’umwuzure byanditswe vuba aha mu gihugu, aho byangiritse cyane ndetse n’imihanda idashobora kunyura mu ntara z’amajyaruguru n’iburengerazuba. Mu turere twibasiwe cyane ni uturere twa Rutsiro, Rubavu, na Karongi, ku nkombe z’ikiyaga cya Kivu.

Croix-Rouge yaho isobanura ko mu bantu benshi bahasize ubuzima nyuma yo kugotwa n’umwuzure, nta buryo bwo gukiza amagara babonye.

Imvura y’amahindu yateje ibyondo kandi isenya amazu. Imirima iri munsi y’amazi kandi imihanda imwe n’imwe ikomeza gucibwa kubera inkangu.

Umwuzure uje nyuma y’umunsi umwe gusa hatangajwe amakuru ateye ubwoba n’ikigo cy’iteganyagihe cy’u Rwanda, hakaba hateganijwe imvura iri hejuru y’ikigereranyo mu minsi icumi ya mbere ya Gicurasi, cyane cyane mu majyaruguru y’iburengerazuba bw’igihugu.

Ibihe bikaze byandikwa mu Rwanda mu gihe cy’ imvura. Mu myaka itanu ishize, mu Ntara y’Amajyaruguru ho nyine, kamwe mu turere dukunze kwibasirwa n’ibihe nk’ibi, hapfuye abantu 200 kandi amazu 5000 arasenywa.

Gaston K. Rwaka