Kuri iki gicamunsi, tariki ya 14 Nyakanga 2017, nyuma yo gusura abaturage b’Akarere ka Ruhango, Perezida Paul Kagame, umukandida wa FPR Inkotanyi yagamiriye n’abaturage b’Akarere ka Nyanza.
Abaturage bari benshi ku kibuga cy’umupira w’amaguru cyo mu murenge wa Rabicuma, bari bakereye kwakira Perezida Kagame barimo abanyamuryango ba FPR Inkotanyi bari benshi cyane, barimo n’indi mitwe ya Politiki yashyigikiye umukandida wa FPR Inkotanyi, ku isonga hakaza ishayaka riharanira demokarasi n’imibereho myiza y’abaturage-PSD.
Abaturage ba Nyanza bari benshi cyane ugereranyije n’abari muri Ruhango, kuko Perezida Kagame kumubona bitari byoroshye kubera ubwinshi bw’abaturage bari baje kumwakira, bafite amabendera ya FPR Inkotanyi, banaririmba babyina.
Akarere ka Nyanza gatuwe n’abaturage bagera ku 323,719 batuye ku buso bwa kilometero kare 617,2. Aka karere kagizwe n’imirenge 10.
Imihanda imaze kubakwa ku birometero 12,7 uvuye ku 1,1km mu mwaka wa 2010.
Gahunda ya VUP yubatse imihanda mito yunganira imihanda migari (feeder roads) ku birometero 103 uvuye k ri 52km mu myaka irindwi ishize. Amazi meza yavuye kuri 52% agera kuri 76%.
Hakizimana Elias
