Perezida wa Repubulika y’u Rwanda, Paul Kagame na Madamu Jeannette Kagame, bakiriye muri Village Urugwiro Igikomangoma cya Wales Charles Philip, gihagarariye Umwamikazi w’u Bwongereza mu nama y’Abakuru b’Ibihugu na za Guverinoma bo mu muryango w’Ibihugu bikoresha Ururimi rw’Icyongereza, CHOGM, arikumwe na Madamu we Camilla, baganira ku mubano ibihugu byombi bifitanye.
Mu butumwa yanyujije ku rukuta rwe rwa Twitter, Igikomangoma Charles yashimiye Perezida Kagame na Madamu Jeannette Kagame ku rugwiro babakiranye mu Rwanda.
Mbere yo kwakirwa na Perezida Paul Kagame na Madame Jeannette Kagame, Igikomangoma cya Wales, Charles Philip n’umugore we Camilla, bunamiye abatutsi bishwe muri Jenoside yakorewe Abatutsi bashyinguye mu Rwibutso rwa Jenoside rwa Kigali ku Gisozi.