Minisiteri y’Abakozi ba Leta n’Umurimo (MIFOTRA) yatangaje ko ku wa Gatanu, tariki ya 7 Kanama 2026, hazaba umunsi w’ikiruhuko ku bakozi bose bo mu nzego za Leta n’iz’abikorera, mu rwego rwo kwizihiza Umunsi w’Umuganura.
Iri tangazo rigaragaza ko iki kiruhuko kizubahirizwa n’abakoresha n’abakozi bo mu nzego zose, hagamijwe guha Abanyarwanda umwanya wo kwizihiza Umuganura, umunsi ufite amateka akomeye mu muco nyarwanda, ushimangira gushimira Imana ku musaruro no gusangira ibyagezweho.
Minisiteri y’Abakozi ba Leta n’Umurimo yasabye inzego za Leta, ibigo byigenga n’abaturage muri rusange kubahiriza iri tangazo no kwitegura kwizihiza uyu munsi mu ituze. Umuganura ni umwe mu minsi mikuru y’igihugu usanzwe uhuriza hamwe Abanyarwanda mu kwizihiza umusaruro, kwimakaza ubumwe no gukomeza gusigasira indangagaciro z’umuco nyarwanda.
Biteganyijwe ko ibikorwa bitandukanye bizabera hirya no hino mu gihugu mu kwizihiza Umuganura wa 2026, mu gihe ibikorwa by’akazi bizasubukurwa nk’uko bisanzwe ku munsi ukurikiyeho, hakurikijwe gahunda y’akazi y’ibigo n’inzego zitandukanye.
Kuwa Gatanu tariki 1/8 hazizihizwa umunsi w’umuganura, MIFOTRA ikaba yatanzwe ikiruhuko
