Connect with us

Hi, what are you looking for?

Football

Osman Dembele abaye umufaransa wa Gatandatu wegukanye Ballon d’Or

Panorama Sports

Rutahizamu wa Paris Saint- Germain n’Ikipe y’Igihugu y’u Burufaransa, Ousmane Dembélé, yegukanye Ballon d’Or ya 2025, bimugira umufaransa wa 6 utwaye iki gihembo nyuma y’abarimo Zidane.

Dembélé ahawe iki gihembo ku nshuro ye ya mbere mu ijoro ryo ku wa 22 Nzeri 2025, nyuma yo gutorwa nk’umukinnyi wahize abandi mu mwaka w’imikino wa 2024/25.

Ni ku nshuro ya 69 ahazwi nka Théâtre du Châtelet i Paris hatangirwaga ibi bihembo bitegurwa na France Football, bigahabwa abakinnyi bitwaye neza mu byiciro bitandukanye.

Mu birori byakuririkiwe n’abarenga miliyoni 400 ku Isi hose, Osman Dembélé yabaye umufaransa wa 6 utwaye iki gihembo bituma, iki gihugu cyiba icya mbere cyibitse iki gihembo inshuro 8.

Inshuro umunani zirimo Eshatu cyatwawe na Michel Platini ugashyira Raymond Kopa (1), Jean-Pierre Papin (1), Zinédine Zidane (1), Karim Benzema (1) na Osman Dembélé.

Dembélé w’imyaka 28, abifashijwemo n’umwaka mwiza yagiranye na Paris Saint- Germain mu mwaka ushize w’imikino yahigitse abarimo Lamine Yamal wa FC Barcelona na Espagne na Vitinha bakinana muri Paris Saint Germain.

Aho yatwayeirushanwa rya UEFA Champions League mu mateka yayo. Yegukanye Shampiyona y’u Bufaransa, Igikombe cy’Igihugu cya French Cup, n’Igikombe kiruta ibindi cya French Super Cup.

Ibi byose yabikoze atsinda ibitego 37 anatanga imipira 17 ivamo ibindi mu mikino 59 yakinnye.

Lamine Yamal ukinira FC Barcelone yegukanye Igihembo cya ‘Kopa Trophy’ gihabwa umukinnyi mwiza mu batarengeje imyaka 21. Ni igihembo yegukanye ku nshuro ya kabiri yikurikiranya nyuma ya 2024.

Lamine Yamal w’imyaka 18 yabaye inkingi ya mwamba muri FC Barcelone aho yatsinze ibitego 21 atanga imipira 22 ivamo ibindi mu marushanwa yose, bituma iyi kipe yegukana Shampiyona ya Espagne na Copa del Rey.

Victoria López wa FC Barcelone y’Abagore ni we wegukanye iki gihembo mu bagore.

Uyu mukinnyi yahigitswe na Ousmane Dembélé ku gihembo kiruta ibindi cya Ballon D’Or 2025.

Umukinnyi watwaye Ballon d’Or mu Bagore ni Aitana Bonmatí ukinira FC Barcelone ndetse n’Ikipe y’Igihugu ya Espagne y’Abagore. Uyu mwanya yawuhigitseho Mariona Caldentey wa Arsenal, yegukana iki gihembo ku nshuro ya gatatu yikurikiranya.

Ni ibihembo bashyikirijwe na Andrés Iniesta wacyegukanye mu 2011 na 2013, na Ronaldinho wacyegukanye mu 2005.

Rutahizamu wa Arsenal Viktor Gyökeres na Ewa Pajor wa FC Barcelone y’abagore, bahawe igihembo kizwi nka Gerd Müller Trophy gihabwa uwatsinze ibitego byinshi.

Umuryango Xana Foundation wo muri Espagne wita ku bana bafite uburwayi butandukanye binyuze mu bukangurambaga ukorera ku mikino itandukanye, ni wo wahawe Igihembo cya Socrates Award ubikesha ibikorwa by’ubumuntu ukora.

Click to comment

Leave a Reply

Your email address will not be published. Required fields are marked *

Izindi wakunda

Amakuru

Umuyobozi Mukuru wa RSSB, Régis Rugemanshuro, yemeza ko umwaka wa 2025 usize umutungo wayo wikubye kabiri mu myaka itanu ishize ubu ukaba ari Miliyari...

Amakuru

Itsinda ry’abahanga mu bwubatsi mu Ngabo z’u Rwanda (RDF) bafatanyije na bagenzi babo bo muri Jamaica  (JDF) mu mirimo  yo gusana ibyangijwe n’ibiza mu...

Amakuru

Serumogo Ally wakiniraga Rayon Sports na Shaban Hussein Tshabalala wakiniraga Musanze FC batangajwe nk’abakinnyi bashya ba El Merriekh FC Bentiu. Bibaye  nyuma y’uko Serumogo...

Advertisement

Address:

KG 17 Av 37
Remera-ARJ/RMC House
Amahoro National Stadium
Registration Number: RMC/C/14/015
Accreditation: RURA/ICT/LIC/210181745

e-mail: editor.panorama.rw@gmail.com; panoramarw@gmail.com

Tel: 0788300359 -0733003020

Twitter: @PanoramaNewspa1; @reneanthere
Facebook: Panorama Newspaper

Services:

Panorama Newspaper, Animation, Conducting Community debates, Organizing Talk shows, Consultancy in Media, Photography, Newsletters, Magazines, Videos, Documentaries, Translation, Editing, Book publishing, Motion picture, video and television programme production activities, Motion picture, video and television programme postproduction activities
Motion picture, video and television programme distribution activities, Motion picture projection activities, Other information service activities n.e.c.
Other publishing activities, Publishing of newspapers, journals and periodicals
Radio broadcasting, Television programming and broadcasting activities