Ikigo cya IBTC Film and Design School cyatangaje ko cyaguye uburyo gitangamo amasomo binyuze ku ikoranabuhanga, gitangiza urubuga rufasha abantu kwiga imyuga itandukanye irimo gukanika imodoka z’amashanyarazi, iza Hybrid, moto ndetse n’andi masomo y’ubumenyingiro batavuye aho bari.
Abifuza kwiga bifashishije ubu buryo biyandikisha ku rubuga rwa https://www.ibtc-elearning.com, bagahitamo amasomo bifuza gukurikirana bakoresheje telefoni cyangwa mudasobwa. Aya masomo yatangiye gutangwa kuva mu 2022, akaba akubiyemo nko gukanika frigo, gushyiraho camera z’umutekano (CCTV), ibyumba bikonjesha ndetse n’amategeko y’umuhanda.
Umuyobozi wa IBTC Film and Design School, Uwizeyimana Jilly Claude, yavuze ko ikoranabuhanga rikwiye gufasha abantu kubona ubumenyi aho bari hose, ati: “Ab’iki gihe bakeneye gukomeza guhabwa ibyo bakeneye by’ubumenyi, bitabasabye ko baza ku ishuri.” Yongeyeho ko kwigira ku ikoranabuhanga bigabanya ibiciro byo kujya ku ishuri kandi bikanafasha abanyeshuri gusubiramo amasomo igihe cyose babyifuza.
Yasobanuye kandi ko bahisemo gushyira imbaraga mu kwigisha ibijyanye n’ibinyabiziga by’amashanyarazi n’ibya Hybrid kubera ko ari byo isi iri kuganamo. Ati: “Izi modoka za lisansi na mazutu zifite ibibazo byinshi, ziratubangamira kubera lisansi, njyeweho ntabwo nkiyigendamo. Ishobora guteza igihombo mu rugo, uramutse udafite impamvu ya nyayo y’ibyo ugiye kujyamo. Hybrid rero ni imodoka nziza, zirengera ibidukikije, zirengera umufuka w’uyitunze kandi n’imodoka zoroshye kuzitunga.”
Amasomo yose atangwa mu Kinyarwanda kandi amara ukwezi kumwe. Nyuma yayo, abanyeshuri boherezwa gukora imenyerezamwuga mu magaraje afitanye imikoranire na IBTC mbere yo guhabwa impamyabushobozi. Kuri iyi ngingo, Uwizeyimana yagize ati: “Twizera ko umuntu wigiye Online abyumva neza mu Kinyarwanda uko bikora, cyane ko uwize yifashishije iyakure tutamuha icyemezo cy’impamyabushobozi atabanje gukora imenyerezamwuga.”
IBTC Film and Design School imaze guhugura abarenga 2,500 mu myuga itandukanye. Ubuyobozi bwayo
Kwiga gukanika imodoka na moto bikoresha umuriro w’amashanyarashi bigiye kujya bikorerwa online
ko intego y’igihe kirekire ari ukubaka ishuri rikorera ku rwego rwa Afurika, ritanga amasomo hifashishijwe ikoranabuhanga kandi mu ndimi z’imbere muri Afurika. Uwizeyimana yagize ati: “Uyu mushinga uzafasha Abanyafurika kujya biga mu ndimi z’ibihugu byabo. Abanyafurika bafite ibibazo byo kugorwa n’indimi z’amahanga ariko tuzakorana n’abazi Igiswahili, ikigande, icyarabu n’izindi.”
Kwiga gukanika imodoka na moto bikoresha umuriro w’amashanyarashi bigiye kujya bikorerwa online
